Aktori i humorit Muharrem Hoxha ishte mbrëmë i ftuar në emisionin “Xing me Ermalin”, ku rrëfeu përmes batutave një pjesë të jetës së tij. Rrema nuk mund t’i shpëtonte edhe pyetjeve me spec të Kejvinës.
Biondja bukuroshe e vendosin në siklet aktorin e madh pas pyetjes së saj se a do ishte i gatshëm Muharremi të luante një rol erotik.
“A do të pranonit të luanit në një film erotik?, e pyeti Kejvina, ndërsa Muharrem Hoxha ja ktheu i habitur: “Unë?”.
Më pas aktori u kthye nga publiku i brohoriti dhe i tha: “Bravo, faleminderit, e kuptuat që s’luaj dot”.
Gjatë kësaj interviste Hoxha rrëfeu se edhe pasi është bërë i famshëm ka punuar si shofër fugoni.
“Në 1997 ka patur furgon dhe në atë kohë na thirrën për ditëlindjen e Luftar Pajës në Fier. U nisëm me furgon dhe duke ecur rrugës shohim një gomë para nesh, më kishte dalë mua goma. Njëri aty po bënte urinën në rrugë dhe desh u përplas me gomën”: tregoi me humor Muharremi.
Aktori rrëfeu dhe arsyen se përse ai nuk është më shumë i pranishëm për publikun shqiptar. Në të vërtetë ai tha se është aktiv, por mungesa e “Facebooku-ut” dhe rrjeteve të tjera sociale nga ana e tij, ja kanë vështirësuar komunikimin me njerëzit.
“Nuk kam Facebook, as Instagram, unë jam në Durrës, nuk kam humbur, por lëviz nga pak. Por kur nuk ke Facebook humb kontaktet.”: tha ai.
