“Çfarë ndodh nëse një yll në rritje i muzikës takohet me kasanovën kaliforniane të R&B? Në rastin e Dua Lipës dhe Miguel-it, zemrat rrahin fuqishëm, adrenalina është në maksimum dhe sheshet e vallëzimit bëhen më të nxehta”.
Kështu nis shkrimi i medias së njohur të muzikës “MTV”, e cila ka vlerësuar projektin në të cilën ka bashkëpunuar dyshja për këngën elektro-pop “Lost in Your Light”.
Pas atij me Sean Paul dhe Martin Garrix, tashmë këngëtarja me origjinë shqiptare ka zgjedhur të performojë krah Miguel.
Ashtu si të gjitha hitet e mëdha të Pop-it, kënga zgjon pasionin dhe ndjenjat dashurisë.
“E humbur në dritën tënde, zemër unë dua të qëndroj gjithë natën, shpirt”, janë vetëm disa prej vargjeve, të cilin ndoshta do t’i dëgjoni gjatë gjithë verës.
Kënga e fundit e Duas është e fundit para nxjerrjes në shitje të albumit të parë muzikor, i cili do të jetë në duar të fansave që nga 2 qershori.
Burimi: MTV
