Gjithkush i njeh motrat, Libohova, motrat Bregu, motrat Istrefi, ato Vjollca, kjo për faktin e vetëm sepse ato kanë zgjedhur të jenë të famshme, pjesë e artit, muzikës, pra të jenë pjesë e televizionit.
Por ka dhe nga ato të famshme shqiptare që kanë motra që preferojnë të qëndrojnë në prapaskenë, kanë zgjedhur të punojnë jashtë, ose të mos bëhen pjesë e medias dhe televizionit. Gjithsesi ato kanë gjetur suksesin në rrugën tyre. Ja disa nga motrat më të famshme të ekranit shqiptar:
Irma dhe Eranda, Ponja Libohova
Irma dhe Eranda Libohova janë dy nga motrat më të famshme shqiptare të njohura për pasionin e tyre për muzikën. Sot çdokush i njeh këngët e tyre, edhe pse janë tërhequr nga ekranet shqiptare. Por pak kush e di që, motrat Libohova janë tre dhe jo dy dhe motra më e madhe quhet Ponja. Ajo nuk ka dalë asnjëherë më parë në ekrane, por është shumë e shtrenjtë për 2 motrat e mirënjohura Libohova. A këndon edhe ajo? Sipas Erandës, vetëm në shtëpi!
Majlinda dhe Ornela Bregu
Majlinda dhe Ornela janë dy motra të famshme që kanë zgjedhur të jenë suksesshme të dyja por në fusha të ndryshme. Majlinda në politikë dhe Ornela në art dhe televizion. Sa herë i sheh pranë njëra-tjetrës nëpër takime familjare apo edhe evente artistike, Majlinda dhe Ornela janë pothuaj gjithmonë jashtë profilit të punës së tyre.
Inis, Ingrid dhe Ilda Gjoni
Ingridi dhe Inis Gjoni e nisën karrierën e tyre mjaft herët. Ato janë bërë të famshme përmes daljes në televizion si këngëtare, prezantuese dhe tashmë Ingridi edhe si regjisore. Kjo e fundit është tërhequr nga televizioni por punon për teatrin ndërsa Ingridi vijon me projektet muzikore. Motrat Gjoni janë 3, pasi pak kush e njeh Ilda Gjonin e cila duket shumë ndryshe prej motrave të saj në pamje të parë, megjithatë edhe tek ajo dallohen tiparet karakteristike të motrave Gjoni.
Adelina dhe Zanfina Ismaili
Të dyja janë vërë të njohura për pasionin e tyre për muzikën. E para që ka performuar në ekranet shqiptare ka qenë Adelina që spikati për origjinalitetin e saj që në vitet ’90. Më pas u njohëm me motrën e saj Zanfinën, e cila gjithashtu u bë e suksesshme dhe ndoqi rrugën e së motrës në muzikë.
Elvana dhe Migena Gjata
Mbiemri Gjata lidhet kryesisht me këngëtaren e muzikës së lehtë Elvana Gjata. Mirëpo duket se muzikën familja Gjata e paska në gjen, pasi edhe motra e madhe e këngëtares Migena Gjata po shkëlqen në skenat e muzikës lirike në Gjermani si soprano. Ajo ka disa vjet që është zhvendosur në Gjermani duke iu përkushtuar vetëm muzikës lirike, ku edhe është diplomuar për Kanto në Universitetin e Arteve Folwang.
Marina, Luana, Marseda dhe Lira Vjollca
Motrat Vjollca nuk janë dy por janë katër. Përveç Marinës dhe Luanës, që e nisën karrierën e tyre si velina në “Fiks Fare” dhe po e vazhdojnë si prezantuese në disa prej emisioneve më të njohura shqiptare, janë edhe dy motra të tjera, Lira që është më e madhja, nënë e 3 fëmijëve, që jeton e punon jashtë, dhe Marseda, e cila gjithashtu jeton jashtë vendit.
Nora, Era dhe Nita Istrefi
Nora Istrefi është e pranga nga familja e saj që i është përkushtuar muzikës. Më pas, rrugën drejt suksesit e ndoqi edhe motra e saj e vogël Era, e cila duket se ia k alauar tashmë Norës përsa i përket popullaritetit që ka fituar jo vetëm brenda trojeve shqiptare por edhe jashtë tyre. Por pak e dinë që Nora dhe Era kanë edhe një motër tjetër, Nitën e cila jeton jashtë shtetit.
Afërdita dhe Jehona Dreshaj
Modelja dhe këngëtarja bukuroshe nga Kosova Afërdita Dreshaj ka edhe një motër që quhet Jehona dhe që është po aq e bukur. Ato shfaqen shpesh herë bashkë dhe realizojnë foto mjaft provokuese falë hireve dhe tipareve të bukura fizike që kanë.
Lori, Sara dhe Redia Hoxha
Lori dhe Sara Hoxha janë dy motrat më të njohura të familjes Hoxha. Ato kanë trashëguar punët e babait të tyre të ndjerë, dhe kanë marrë në dorë drejtimin e një prej televizioneve më të mëdha në Shqipëri, Top Channel. Por ato kanë edhe një motër të tretë, Redian, e cila nuk pëlqen të ekspozohet, ndoshta për faktin se është ende e vogël.
Besa, Bora dhe Era Kokëdhima
Të gjithë i njohin si vajzat e ish-deputetit Koço Kokëdhima. Megjithatë ato nuk e kanë fituar famën nga babai i tyre. Besa është një ndër zërat më të veçantë të muzikës shqiptare, Bora po zhvillon karrierën e saj si një stiliste, ndërsa Era është motra e vogël e cila nuk është e njohur, pasi preferon të asistojë në punët e kompanisë së babait të saj.
Burimi:Icon
