Sot, Orinda Huta i dedikoi së motrës Silvanës, një urim publik në Instagram për ditën e saj të lindjes.
„Gëzuar ditëlindjen, shpirti im“, shkruan Orinda, „Jam e lumtur dhe e bekuar që të kam. Të dua, my sis (motra ime)“
Ndonëse e motra jeton në Irlandë, marrëdhënia mes tyre mbetet shumë e afërt. Ishte pikërisht Silvana ajo e cila organizoi festën surprizë të beqarisë për drejtuesen e „Jo Vetëm Modë“ në korrik të 2017-ës.
Me ngjashmërinë e tipareve- sytë me ngjyrë, ndonëse Silvana i ka jeshile kurse Orinda bojëqielli- dhe me të njëjtën buzëqeshje; në foton e postuar në Instagram duket se të dyja kanë hijen e njëra- tjetrës.
Marrëdhënien me të motrën, Orinda e ka celebruar edhe më parë në rrjetet sociale, duke kujtuar në ditën ndërkombëtare të motrave kohët kur vetë ishte fare e vogël dhe Silvana kujdesej për të.
