Prej disa javësh në mediat rozë po qarkullon lajmi se motra e Kate Middleton, Pippa është shtatzënë nisur nga veshjet e gjera që ajo ka preferuar kohët e fundit. Mirëpo tashmë është zyrtare, dhe nuk ka më dyshime rreth shtatzënisë së saj.
Pippa Middleton konfirmoi se ajo dhe bashkëshorti i saj, James Matthews po presin fëmijën e tyre të parë.
Middleton e konfirmoi lajmin duke pozuar për revistën “Waitrose Kitchen”, në një artikull që i dedikohej shtatzënisë, “Ushtrimi gjatë shtatzënisë”. Ajo është në tremujorin e parë të shtatzënisë dhe gjatë kësaj periudhe i është dedikuar ushtrimit të saj në palestër për të ruajtur format e saj trupore.
Pippa Middleton Matthews is featured in a new column for @waitrose weekend. “Exercising during pregnancy” pic.twitter.com/2rktWaKaFg
— MiddletonMaven (@MiddletonMaven) June 7, 2018
“Kur mësova lajmin e lumtur që isha shtatzënë, kuptova se më duhej të përshtatesha me rutinën normale 4 deri në 5 ditë në javë dhe të gjeja një mënyrë për të vazhduar stërvitjen time të sigurt gjatë tre tremujorëve”, shkruante ajo.
“Jam fanatike e sportit dhe kam parë në këtë moment fillova të lexoja libra dhe të kërkoja në internet rreth stërvitjes gjatë shtatzënisë, por jam zhgënjyer nga informacionet e kufizuara teknike për atë që mund dhe nuk duhet të bësh”, thotë Pippa.
Motra e Kate Middleton ka treguar se duke qenë shtatzënia e saj e parë ka pasur shumë pikëpyetje. Mirëpo ajo ndihet me fat që në tremujorin parë nuk vuajti nga simptomat e të vjellave apo marrjes së mendve sikurse motra e saj Kate Middleton.
“Unë kam qenë me fat të kaloj 12 javët e para pa vuajtur nga shqetësimet e mëngjesit. Kjo do të thoshte se isha në gjendje të vazhdoja normalisht dhe të ndiqja shumicën e sporteve të mia”, tha Pippa.
Gjithashtu Pippa zbuloi se falë aktivitetit të vazhdueshëm fizik ajo po kalon një shtatzëni të shëndetshme.
Burimi: InStyle
