Në 19 shkurt Kim Kardashian bëri kërkesë për divorc nga Kanye West në gjykatë, duke i dhënë fund martesës së tyre prej një dekade. Ndërkohë mediat rozë kanë zbuluar arsyen e ndarjes së çiftit të famshëm përmes letrave të divorcit.
Kim Kardashian ka cituar në kerkesën e saj për divorc se arsyeja e ndarjes mes tyre janë “diferencat e papajtueshme”. Në letrat e divorcit, të siguruara nga “The Sun” gjithashtu konfirmohet se ajo po kërkon kujdestarinë për 4 fëmijët e saj, North, 7 vjeçe, Saint 5 vjeç, Chicago 3 vjeçe dhe Psalm 1 vjeç.
Ndërkohë divorci i dyshes, nuk ka kaluar pa vëmendjen e reperit shqiptar, Majk. Ai ka publikuar në Instagram një foto të Kanye, ku ka treguar se është dakort me ndarjen e tyre.
Ai tha se reperi është dashur që të ndahet më para nga Kim që të kishte më shumë para, bazuar në lajmet që qarkulluan sot që Kanye është shpallur njeri më ngjyrë më i pasur në historinë e Amerikës. Tashmë, pasuria e tij ka kapur vlerën 6.6 miliard dollarë, sipas “Bloomberg”.
“Moti u dasht me u nda prej Kimit me bo pare”, ka shkruar artisti në mbishkrimin e imazhit.
Rreth të njëjtën kohë vitin e kaluar, West u bë një miliarder i çertifikuar me ndihmën e markës së tij të suksesshme të veshjeve dhe atleteve, Yeezy dhe kontratës së re shumëvjeçare me Gap. Sipas Business of Fashion, marka Yeezy vlerësohet në $ 3.2 deri në $ 4.7 miliardë dollarë. Sa i përket linjës së re Yeezy Gap e cila është vendosur të dalë më vonë gjatë kësaj vere, ndërmarrja e re pritet të vlejë më shumë se 970 miliard $.
