Pas temperaturave ekstreme që pushtuan Europën, dita e sotme ka shënuar një ndryshim drastik të motit.
Moti i keq dhe erërat e forta kanë përfshirë Italinë dhe deri më tani janë raportuar tre viktima.
Një 27-vjeçare ka humbur jetën në Fiumicino ku cikloni ka spostuar makinën e saj Smart disa qindra metra duke i shkaktuar edhe vdekjen.
Rasti i dytë ka të bëjë me një 26-vjeçare e cila u godit nga rrufeja.
Ndërsa edhe një 75-vjeçar u gjet i vdekur mes ujërave mbrëmjen e djeshme.
Si pasojë e stuhive të shoqëruara me reshje shiu dëme janë regjistruar edhe në Romë, probleme jo vetëm në rrugë por edhe në ndërtesa.
