Reshjet e shiut që përfshinë Tiranën dhe qytete të tjera në të gjithë Shqipërinë, ishin paralajmëruar më parë edhe nga Instituti i Gjeoshkencave, Energjisë, Ujit dhe Mjedisit, i cili njoftoi se do të kishte reshje intensive shiu për 5 ditët e ardhshme në zonat veriore dhe veri-lindore të vendit tonë.
Mungesë të energjisë elektrike, përmbytje dhe pemë të thyera e të rrëzuara, janë pasojat që ka lënë deri tani shirat, era e fortë dhe stuhia që kaploi ditën e djeshme dhe sot territorin e vendit.
Ndërkohë që reshjet e shiut që mbërthyen mbrëmjen e djeshme Tiranën dhe disa qytete të tjera, ishin paralajmëruar nga Instituti i Gjeoshkencave, Energjisë, Ujit dhe Mjedisit, i cili njoftoi se do të kishte reshje intensive shiu për 5 ditët e ardhshme në zonat veriore dhe veri-lindore të vendit tonë.
Në Shkodër dhe në Tiranë situata është paraqitur e rëndë pasi në akset rrugore kanë rënë pemët të cilët janë shkëputur e më pas rrëzuar në tokë duke bërë të vështirë lëvizjen e mjeteve. Një pjesë e makinave nuk kanë shpëtuar pa dëmtime, pasi disa prej tyre janë zënë nga pemët që u rrëzuan.
Ndërsa në disa zona të Lezhës banorët kanë mbetur pa energji elektrike. Shkak për ndërprerjen e energjisë elektrike, ishin erërat e forta dhe shirat e dendur të cilat kanë dëmtuar shtyllat elektrike.
Drejtoria e Përgjithshme Detare ka kërkuar bashkëpunimin e të gjithë subjekteve që ushtrojnë veprimtari në fushën e detarisë, të cilat duhet të marrin të gjitha masat e nevojshme për të qënë të sigurtë dhe parandaluar çdo rrezik të mundshëm për shkak të kushteve të përkeqësuara të motit. Drejtoria dha alarmin se dallgët mund të shkonin deri në 3-4 metra në det.
Gjithashtu edhe ministrja e Mbrojtjes, Olta Xhaçka ka dalë në një konferencë për shtyp duke bërë me dije se argjinaturat e shumë prej lumenjve janë përforcuar, megjithatë priten përmbytje në shumë prej prefekturave të vendit. Sipas ministres, të gjitha strukturat janë gati për ndërhyrje.
/gazetareforma.com
