Trejsi Sejdini ka qenë së fundmi e ftuar në programin “Zemër Luana”. Ajo ndër të tjera, është pyetur lidhur me eksperiencën e saj si miss, rrëfeu pak për karrierën si dhe në sfidën e radhës, asaj iu desh të caktonte disa ish-misse nga më e mira tek më pak e mira.
“Trejsi ti ke fituar “Miss Universe Albania 2018” dhe je ndër modelet që je drejt suksesit ndërkombëtar, ndaj ne sonte në “Zemër Luana” duam të na rendisësh këto miss-e shqiptare nga “Miss Universe Albania & Kosovo” të famshme edhe jashtë, nga ajo që mendon është më ylli dhe ajo e fundit sipas teje: Angela Martini, Xhesika Berberi, Cindy Marina dhe Agnesa Vuthaj. Përgjigju me valle, ose lahu në halle”, ishte pyetja me spec që iu drejtua Trejsit.
Menjëherë, bukuroshja e ekranit, vendosi në vend të parë Angela Martinin por kur erdhi radha e Agnesa Vuthaj, ajo tha se nuk po e kujtonte për momentit.
“Agnesa Vuthaj? Ndjesë, mund ta kem dëgjuar si emër por si fytyrë nuk po e lidh dot momentalisht…”.
Mos vallë hodhi një ‘thumb’ ndaj miss-it të njohur?
“Në vend të parë Angela Martini sepse shkoi në Top 10 dikur në Miss Universe, në vendin e dytë Cindy Marina pasi arriti në Top20 në vitin kur mori pjesë, në vendin e tretë Xhesika Berberi dhe në vendin e fundit është Agnesa Vuthaj”, tha ndër të tjera Trejsi.
