Seriali vizatimor “The Simpsons” është një ndër më të ndjekurit kudo në botë. Ata njihen gjerësisht për parashikimet që kanë bërë për disa evente mjaft të rëndësishme, ku ndër to mund të kujtojmë fitoren e presidentit Trump apo shpërthimin e Ebolës.
Fansat e tyre mendojnë se ata kanë bërë një tjetër parashikim të rëndësishëm. Sipas tyre, ata kanë treguar se cili do të jetë fituesi i spektaklit “Super Bowl” të këtij vit. Eventi i 56-të i tij do të mbahet këtë të dielë në stadiumin SoFi të Kalifornisë.
Palët kundërshtare që do të ndeshen këtë vit janë “Cincinnati Bengals” dhe “Los Angeles Rams”. Mirëpo, fansat e serialit janë të bindur se episodi i sezonit të 16-të i cili titullohet “Homer and Ned’s Hail Mary Pass” e ka treguar tashmë kush do të jetë fituesi. Në këtë episod të transmetuar në vitin 2015 tregon një ndër personazhet kryesore, Homerin, të ketë shkruar në barkun e tij “Go Bengals”.
Jo vetëm kjo por edhe nxitëset e tifozëve edhe raportimet e lajmeve në këtë episod tregojnë se ka fituar skuadra e “The Bengals”. Nuk dihet në qoftë se kjo ka qenë një rastësi, megjithëse pritet e diela për të kuptuar nëse Simpsonët parashikuan edhe këtë radhë. Artistët që do të performojnë në “Super Bowl 2022” do të jenë Eminem, Dr.Dre. Snoop Dogg, Mary J Blige dhe Kendrick Lamar.
