Megjithëse prej disa javësh këngëtarja Rihanna po diskutohet se mund të jetë në pritje të ëmbël të fëmijës së saj të parë me Hassan Jameel, ish-i i saj, Chris Brown, duket se s’ka ndërmend ta lërë rehat.
Pas ndarjes së tyre për shkak të dhunës fizike që reperi ushtroi tek partnerja, Chris i ka rënë pishmanit.
Të shumta janë herët kur ai komenton në fotot e RiRi-t në Instagram, duke e gjuajtur publikisht këngëtaren e cila është prej dy vitesh e lidhur me miliarderin arab.
Që Chris Brown s’ka ndërmend t’i ndahet këngëtares, këtë e dimë, por Rihanna na habiti me veprimin e saj të fundit.
Në profilin e saj në Instagram ajo ka publikuar një video të linjës së saj të buzëkuqëve, mirëpo në sfond ka vënë pikërisht këngën e Chris Brown, “Come Together”.
Sigurisht që ky veprim s’mund të lihej pa u vënë re nga fansat, të cilët tashmë po mendojnë se Rihanna po i jep një dritë jeshile Chris-it.
Çuditërisht, ky i fundit ende nuk ka komentuar në postimin e saj!
