E mbani mend modën e vetullave të holla?
Me siguri të gjitha vajzat e kanë një foto të viteve më parë me vetulla super të holla dhe të vizatuara me laps të zi.
Para 15 viteve ky ka qenë një trend shumë i përhapur, por tani që kanë kaluar kaq shumë vite na duket sikur ai ka qenë gabimi më i madh që kemi bërë në pamjen tonë.
Epo të njëjtën gjë mendon edhe moderatorja Fiori Dardha.
Nëpërmjet një postimi në Instagram, ajo tregon se nuk do të dëshironte kurrë që të kthehej përsëri ai trend.
“Ishte viti 2004 ose 2005. Mos u ktheftë më kurrë moda e këtyre vetullave. 15 vite më parë kur isha e re”, shkruan Fjori krahas fotos ku shfaqet me vetulla të holla.
Kohët e fundit ky trend thuajse është zhdukur dhe të gjitha vajzat po preferojnë vetullat e trasha.
Madje shumë kanë zgjedhur edhe t’i trashin me mënyra nga më të ndryshmet.
Vrasim mendjen, po kur të mos jenë më në modë vetullat e trasha si do ja bëjnë?
