Policia e Shtetit tashmë ka filluar monitorimin e shoferëve që shkelin rregullat e qarkullimit me dron.
Sot në një video të shpërndarë në Facebook, policia tregon se janë ndëshkuar 74 shoferët e parë, pasi shkelja e tyre është evidentuar nga droni.
Njoftimi i policisë
Policia Rrugore vijon monitorimin e qarkullimit të automjeteve me DRON. Njësia Operacionale për Sigurinë Rrugore ka vijuar në qarkun Berat
monitorimin me DRON për të evidentuar dhe ndëshkuar shkelësit e Kodit Rrugor. Gjatë monitorimit janë ndëshkuar me masë administrative 74 drejtues mjetesh, nga këta 34 për OASH.
Monitorimi do të vijojë në të gjitha rrugët në qarqet e vendit.
