Shakira dhe Gerard Pique kanë tronditur botën e showbizit që nga ndarja e tyre e fundit pas 12 vitesh lidhje.
Situata ka lëkundur imazhet përkatëse publike si të kolumbianes po ashtu edhe të qendërmbrojtësit të Barcelonës, duke çuar në mundësinë e krijimit të një programi televiziv.
Për këtë ide tashmë ka folur hapur producenti meksikan i telenovelave, Juan Osorio. Osorio ka shkaktuar polemika në të kaluarën pas realizimit të një bioserie të Vicente Fernandez, e cila nuk ishte e autorizuar nga këngëtari.
Në një bisedë me Eden Dorantes, producenti meksikan zbuloi se jeta e Shakirës dhe Pique mund të jetë interesante për publikun. Ai ishte edhe më i qartë duke u shprehur se do të donte ta realizonte këtë projekt.
“Imagjinoni një seri të bazuar te marrëdhënia e Pique dhe Shakira, jeta e tyre para njohjes dhe më pas historia se si ata bashkohen dhe lindin dy fëmijët, jeta e tyre martesore dhe më pas ndarja – është sfidë e fortë, do të doja ta bëja,” tha Osorio.
Ai tregoi se për një producent është e nevojshme të mendojë gjithmonë ide dhe koncepte të reja, në një epokë në të cilën publiku kërkon gjithnjë e më shumë audiencë dhe përmbajtje të re.
