Që Flori Mumajesi është një nga kantautorët më të suksesshëm në vend për këtë nuk ka pikë dyshimi. Ai ka mbi 20 vite që është pjesë e aktive e skenës muzikore dhe deri më sot numëron qindra hite në repertorin e tij. Por artisti ju ka bërë dhurata kaq të bukura edhe kolegëve të tij, duke ju vënë vulën shumë prej këngëve më të sukseshme shqiptare.
Ditën e sotme kantautori ka zbuluar se vetëm në festivalin “Kënga Magjike” ka reazliar ndër vite 58 këngë pa përfshirë produksionet e studios së tij. Ai ka publikuar një liste më këngët që ka realizuar dhe rastësisht ky numër këngësh përkon edhe me pikët që grumbulloi këtë vit në “Kënga Magjike”.
“58 këngë ndër vite në festivalin kënga magjike! Pa përfshirë produksionet në total të studios… Kënga Magjike 2021… 1058 pikë… po tani?”, shkruan Flori.
View this post on Instagram
Siç duket Flori nuk ka ndërmend të ndalet dhe fansat e kanë përkthyer këtë postim si një paralajmërim për hitin e radhës. Ndërkohë ka nga ata që i kërkojnë me lutje Florit që të konkurrojë në festivalin e fundvitit, që si sukses të radhës të ketë pjesëmarrjen në “Eurovision”.
Kujtojmë se pas përfundimit të “Kënga Magjike”, Flori Mumajesi pati një përplasje virtuale me Kozeta Kurtin, e cila këtë vit ishte pjesë e jurisë profesioniste të festivalit. (KLIKO)
