Okej, nuk je vetëm ti! Ka shumë njerëz kudo në këtë botë që e lënë blerjen e dhuratave për në momentin e fundit. Nuk është gjithmonë faji juaj, por ka disa që ta bëjnë aq të vështirë t’i gjesh dhuratën e duhur, sa të dalin edhe në ëndërr.
Epo, të gjithë kemi një person në listën tonë, për të cilin është mision i pamundur që të blesh dhuratë.
Duket se gjithmonë kanë gjithçka, nga trendet e fundit të veshjeve te aksesorët dhe e dimë që nuk është aspak e lehtë të vrasësh mendjen 12 orë të ditës se çfarë mund t’i lumturojë këto festa, por nga ana tjetër të mos shkundeni nga xhepat.
Por ne ju sigurojmë, që mund t’i impresiononi me një super-dhuratë këtë vit dhe ju themi që bërja e një dhurate sapo u bë më pak stresuese.
E dini për çfarë kanë nevojë këta tipa njerëzish, që sado na e vështirësojnë jetën i duam shumë: Për t’u ëmbëlsuar.
“Kikiliciouss”, një platformë dedikuar ushqimit e ngritur nga tre të reja shqiptare, vijon traditën që ka nisur prej vitesh, pasi edhe këtë vigjilje festash vazhdon me lançimin e kutive të dhuratave.
Përmes paketave speciale të dhuratave, ju do të keni mundësinë të provoni disa produkte nga gama e gjerë që ofrojnë.
Kutia e Truffles (topave të çokollatës) nuk kishte si të mungonte dhe këtë vit vjen me 3 shije të ndryshme.
Baza për 2 truffles është çokollata e zezë, njëri version vjen në shije qershie dhe likeri mbuluar në arrë kokosi dhe versioni i dytë në shije portokalli dhe likeri mbuluar në kakao. Ajo që vjen risi këtë herë është truffle/topi me shije arrë kokosi dhe lajthi.
Çfarë e bën akoma më të bukur këtë dhuratë është fakti se pas mbarimit të topave të çokollatës, kutia mund të ripërdoret në forma të ndryshme, duke mos e humbur vlerën, apo bukurinë e saj.
Ideja e dytë është kutia me biskota të ndryshme. Kësaj radhe, platforma e dedikuar ushqimit “Kikiliciouss” ka vendosur të ndryshojmë stil si në paketim dhe në çfarë ofron brenda.
Ky paketim festiv “Kikiliciouss” vjen me biskotat “Shortbread” dhe një kavanoz me reçel ftoi, ideal për këtë stinë. Jo vetëm shumë të shijshme veç e veç si produkte, por së bashku kombinohen më së miri.
Për ta bërë këtë dhuratë akoma më speciale, këtë vit paketimi vjen me një lugë punuar në mënyrë artizanale me dru ulliri; ç’ka do të thotë që mund të hani, të gatuani e ta lani lugën normal pasi nuk do të pësojë asnjë dëmtim.
Çdo kuti do të ketë një punim ndryshe, prandaj efekti surprizë do ta bëjë këtë dhuratë akoma më të veçantë.
Ju sigurojmë që do të mbetet një nga dhuratat më unike që ata do të marrin ndonjëherë dhe një pjesë e saj do t’i mbetet kujtim gjatë.
Si mund të porosisni njërën prej tyre? Mjafton të kontaktoni në adresën e email-it: kristijanku@kikiliciouss.com, në Instagram ose në Facebook.
Burimi: Iconstyle.al
