Kendall Jenner dhe Devin Booker u panë sërish në shoqërinë e njëri-tjetrit më pak se një javë pasi ndarja e tyre u bë publike.
Supermodelja dhe ylli i NBA, kaluan disa kohë së bashku në Soho House në Malibu, Kaliforni këtë të dielë.
Në fotot e paparacëve, të dy dukej se ishin në humor të mirë teksa buzëqeshnin dhe flisnin me njëri-tjetrin. Në një moment, madje dukej sikur Booker po tentonte për një puthje.
Gjithashtu të dielën, fansat vunë re që të dy “pëlqyen” fotot e njëri-tjetrit në Instagram.
Lojtari i Phoenix Suns pëlqeu një foto nudo të Kendall duke bërë banja dielli, më pas ajo i ka kthyer nderin pasi ka bërë like në një foto të Booker duke luajtur bejsboll.
Fansat e çiftit u tronditën javën e kaluar mes lajmeve se dyshja u nda pas dy vitesh lidhje.
“Ndërsa ata kujdesen për njëri-tjetrin, Devin nuk do të propozonte për martesë dhe prioriteti i tij është karriera,” tha një burim në atë kohë. “Karriera e Kendall dominon gjithashtu jetën e saj.”
Një tjetër burim tha se të dy kishin qenë të ndarë për rreth një javë e gjysmë.
“Ata kaluan një “kohë shumë të bukur” së bashku në dasmën italiane të Kourtney Kardashian dhe Travis Barker”, vuri në dukje burimi i brendshëm.
“Por pasi u kthyen, ata filluan të ndjeheshin sikur nuk ishin në të njëjtën linjë dhe kuptuan se kishin stile jetese shumë të ndryshme”, shtoi burimi.
