Këngëtarja Filloreta Raçi (Fifi) dhe partneri i saj Adis Patushi janë përfolur gjatë në mediat rozë që pasi dolën publikisht si çift.
Ata nuk kanë ngurruar t’ja shprehin publikisht dashurinë njëri-tjetrit, por së fundmi ka qenë Fifi ajo që i ka bërë pubilikisht një “kërkesë” Adisit.
Në një video të ndarë në Instastory, këngëtarja shihet krah Adisit, teksa shkruan: “Të dua deri në vdekje edhe hajde tundu mos më rri… unazën tani!!”
Sigurisht nuk mungoi një reagim nga ana e Adisit, i cili e ka ripostuar në profilinin e tij storyn e Fifit me mbishkrimin: “Unë e kam pas planifiku në jetën time ktë”
Që në fillim të lidhjes çifti nuk është kujdesur t’i fshihet syve kureshtarë, duke shfaqur haptazi dashurinë e tyre. Adisi e shoqëron Fifin edhe në koncertet e saj, ku shpesh marrin vëmendje me veprimet romantike. Kujtojmë se këngëtarja e zyrtarizoi lidhjen e saj me ish-bashkëshortin e modeles së njohur Adriola Dushit, gjatë një koncerti të sajin. Fifi u puth me Adisin para të gjithë publikut dhe videoja e tyre qarkulloi kudo në rrjet.
Disa kohë më parë qarkulloi edhe lajmi se Fifi dhe Adisi janë në pritje të fëmijës së parë, por më pas gjithçka u mohua.
Muaj më parë postimet e tyre ku etiketonin njëri-tjetrin si “mami dhe babi”, bënë xhiron e rrjetit dhe nxitën dyshimet se çifti po presin një fëmijë.
Ky do të ishte fëmija i parë për Fifin dhe i dyti për Adisin. Ky i fundit ka një djalë, Troin, me modelen Adrola Dushi, me të cilën ka qenë i martuar. Adisi poston shpesh në rrjetet sociale me Troin, ku në atë të fundi mori vëmendje komenti i Fifit. Këngëtarja komentoi disa zemra në postimin e Adisit me djalin e tij, duke treguar kështu mbështetjen e saj dhe raportin që ka me djalin e partnerit të saj.
