Një debat nisi ditën e djeshme në emisionin ‘Rudina’ ku moderatorja dhe e ftuara, nuk binin dakort mbi përcaktimin e Lindës si “transgjinore”.
Termi “transgjinore”, me të cilin moderatorja e prezantoi Lindën, sipas kësaj të fundit nuk është për të, sepse ajo prej vitesh tashmë i është nënshtruar një operacioni pas të cilit është kthyer në femër. Linda tha se jeta e saj është si jeta e çdo gruaje tjetër dhe se sjellja e saj është po e tillë. Ajo u shpreh se e kupton se nuk është e vetmja që diskriminohet në botë, pasi qoftë për shkak të lëkurës, ashtu edhe për shkak të gjinisë apo çfarëdolloj gjëje tjetër.
“Çdo njeri; i bardhë, i zi, gej, trans, të gjithë diskriminohen deri diku. Argumenti i transgjinorëve banalizohet shumë në disa elemente që janë në mendje. Po të dalësh me mua dhe të shikosh çfarë jete bëj unë. Unë mendoj se njerëzit diskriminohen sepse bëjnë sjellje për t’u diskriminuar, si vulgaritet dhe injorancë. Nëse ndihesh dhe sillesh si grua, nuk do të të diskriminojnë.”
Pasi Rudina e pyeti nëse iu desh shumë kohë të mësohej me gjininë e re, Linda iu përgjigj prerë se nuk e ka ndier ndonjëherë veten djalë, që kur ishte fare e vogël.
“5-6 vjeçe vishja takat e mamit dhe dilja nëpër lagje. Kur shikoja çunat nuk mendoja ndonjëherë që “jam si ata”.’
Por momenti kur e kuptoi se ishte në trupin e gabuar, ishte në fillim të pubertetit. Linda kujtoi herën e parë kur doli para pasqyrës dhe kuptoi se ishte lindur në trupin e gabuar dhe që aty vendosi të bënte diçka për të qenë ajo që donte të ishte.
“Mbaj mend se jam zgjuar një mëngjes, pashë veten në pasqyrë dhe atëherë kuptova: ajo nuk isha unë. Qimet, muskujt…nuk isha unë.” Më pas, nisi kurën hormonale pas së cilës do të bënte ndërhyrjen për t’u kthyer nga mashkull në femër.
Por tensioni nuk u mbyll me kaq pas, të hënën në mbrëmje, pasi përfundoi kërcimin në “Dance with me”, Alketa e ngacmoi paksa Lindën mbi shpërthimin që ajo pati në emisionin e Rudinës, por përgjigja e Lindës nuk pritej.
“Situata ishte gjatë gjithë kohës në tension. Gazetare e painformuar! Mund të lexosh dy sekonda para se të hysh në emision, t’i japësh respekt punës tënde. Këto gabime nuk duhet të lejohen kurrë”, u shpreh Linda.
