Ditën e djeshme në media qarkulloi lajmi se 11-vjeçari shqiptar, Alvin Berisha, ishte liruar nga kampi “Al-Hol” në Siri.
Mirëpo babai i tij, Afrim Berisha ka reaguar duke thënë, se nuk ka asgjë të vërtetë.
Ai u është përgjigjur në rrjetet sociale interesit të komentuesve, pasi kjo histori ka prekur milion njerëz si në Itali dhe në Shqipëri.
Babai i Alvinit thotë se i biri është në kamp e po vuan atje akoma.
“Nuk është e vërtetë që Alvin është jashtë kampit. Alvin është akoma në kamp. Mos jepni lajme të kota, ok, shumë faleminderit”, shkruan Afrim Berisha.
“Vëllezër, motra, nëna e baballarë, miq e shok, mos i besoni kujt për lajmin që u dha, nuk është i vërtetë, prisni nga unë, jam duke u marrë me letra akoma, ju përshëndes nga larg shumë, faleminderit, zoti ju rujtë”, vijon më tej babai i Alvinit.
Afrim Berisha mundi të takonte të birin vetëm pas 5 vitesh.
Ai u dërgua në Siri nga nëna e tij, Valbona Berisha, kur ishte vetëm 6 vjeç.
Alvini është dëmtuar në këmbë si pasojë e një shpërthimi dhe ka probleme në të ecur./gazetareforma
