Roja e sigurisë së hotelit ku Kardashian-it iu grabitën 8.5 milionë dollarë bizhuteri, ka rrëfyer se atë natë ishte me Kim dhe u përpoq ta ngushëllonte atë.
I traumatizuar, babai algjerian, i cili kërkoi të identifikohet vetëm me emrin e parë e tij, Abdulrahman, për shkak të frikës për sigurinë e tij, ka thënë për “MailOnline” se ai nisi të bisedonte me grabitësit për të mos e lënduar Kim-in, por pranoi se i la të hynin në apartamentin luksoz dhe madje shërbeu si përkthyes për Kim dhe grabitësit.
“Unë u ngjita lart në apartament me grabitësit. Kam qenë i lidhur me pranga. Isha në dhomën e Kim Kardashian, kur njëri po e sulmonte atë, dhe i dyti ishte me mua. Pashë Kim-in që po e tërhiqnin nga shtrati”.
Studenti i doktoraturës, i cili punon me kohë të pjesshme, si një roje sigurie për të financuar studimet e tij, zbuloi se si ai dëshpërimisht u përpoq që të mashtronte grabitësit duke pretenduar se nuk e dinte kush ishte Kim, dhe më pas u nis në drejtim të derës së saj dhe u detyrua ta hapte me një çelës rezervë. Ai pa tmerrin me sy kur Kim i tha se ajo kishte vetëm një sasi të vogël parash për t’u dhënë atyre.
“I thashë atij, mos e lëndoni atë. E përsërita dhe ai më tha, mos u shqetësoni, ne jemi këtu për para. E përsërita edhe një herë, ju lutem mos i bëni keq asaj. Ai më tha: rri i qetë dhe të gjithë do të jenë në rregull. Mos lëviz dhe mos bëj asnjë zhurmë”.
“Një pjesëtar i bandës i thoshte vazhdimisht Kim-it që të pushonte. I vendosa dorën time mbi shpatullat dhe i thashë asaj që të rrijë e qetë. I thashë, mos bëj zhurmë. Ajo u ul në shtrat dhe më pyeti, a do të vdesim? Unë i thashë, nuk e di, si mund ta di? ”
“Ajo më tha: Unë kam familje dhe fëmijë. I thashë, edhe unë kam një djalë. Dhe pastaj nisi të bërtasë përsëri. Kjo është arsyeja pse ai i vendosi shirit mbi gojë. Një pjesë ngjitësi rreth e rrotull kokës”.
I tmerruar, ai madje luajti rolin e përkthyesit për shkak se Kim ulërinte dhe hajdutët nuk mund ta kuptonin atë.
Pas përvojës së hidhur, roja tregoi se Kim e përqafoi atë dhe ai i tha asaj: “Gjëja më e rëndësishme është që ne jemi të gjallë”.
Tashmë roja është kthyer në Algjeri me gruan dhe djalin, për t’u shëruar psikologjikisht.
Burimi: Daily Mail
