Nëse jeni tejet të kujdesshëm ndaj drejtshkrimit dhe shenjave të pikësimit, ndryshoni menjëherë sjellje. Ju me siguri njihni ndonjë shok ose shoqe që përdor gjithmonë “pikën” në fund të fjalisë? Atëherë ai/ajo është një monstër, sipas shkencës.
Shkrimi i mesazheve është një fushë e minuar midis dëshmitit të komunikimit në mënyrën e duhur dhe përbuzjes së vetes. Ne jemi ndjerë disa herë të ofenduar nga ndalesat me “pikë” në fund të një mesazhi.
Një studim amerikan i “Binghamton University” në New York, tregon se pika në fund të mesazhit telefonik, në “Whatsapp” apo metoda të tjera komunikimi përmes “smartphone”-ve, nënkupton ftohtësi dhe largësi.
Studiuesit thonë se kjo shenjë pikësimi merret si mungesë respekti, ose se mesazhi juaj është shkruar me një ftohtësi ekstreme. Me fjalë të tjera, nëse doni të bëni miq ose të ruani ata që keni, shmangni dërgimin e mesazheve me pikë në fund.
Studimi në fjalë u bazua në një kampion prej 126 studentësh, të cilëve ju kërkua të lexonin një sërë mesazhesh me dhe pa pikë në fund. Rezultati? Studentët të cilët lexuan përmbajtjen me pikë në fund, e cilësonin mesazhin si pak të sinqertë.
Marrë nga Elle UK. Përgatiti: Jearta Çaushi
