Dy persona të dyshuar me Koronavirus janë dërguar në repartin Infektiv të QSUT-së në Tiranë.
Në videon e siguruar nga “ Abc News” shfaqet momenti kur infermierja koordinon autoambulancën se ku të ndalojë dhe se si duhet të nxirren pacientët e dyshuar me COVID-19.
Ajo i drejtohet personave në autoambulancë me fjalët: “Mos e hap derën!”
Sot nuk ka pasur njerëz pranë perimetrit të sigurisë në qendrën spitalore.
Deri ditën e djeshme afër perimetrit të sigurisë kishte njerëz të cilët ose shoqëronin të afërmit e tyre ose vinin për të bërë testin për të parë nëse ishin me Koronavirus apo jo.
Autoritetet kanë bërë thirrje që nëse keni shenja të temperaturës, vështirësi në frymëmarrje, kollë dhe diare duhet të telefonojnë 127 dhe do të jetë ambulanca e cila do të vijë në banesën tuaj.
