Fifi dhe Granit Cana po komentohen prej ditësh se mes tyre mund të lindë diçka më shumë se thjesht miqësi brenda ambienteve të shtëpisë më të famshme në Shqipëri.
Ata kanë shfaqur herë pas here afrimitet mes tyre, gjë që i ka nxitur këto zëra.
Ndërkohë së fundmi, në një bisedë dyshja kanë diskutuar se si do të vazhdojë raporti mes tyre pas “Big Brother VIP”.
Pjesë nga biseda:
Fifi: Varet prej teje si don me e mbajt raportin mes nesh jashtë…
Graniti: Unë mendoj që edhe jashtë kemi për të kaluar shumë mirë, po e them ‘sinqeseriozisht’.
Fifi: (qesh)
Graniti: Pse qeshesh moj goce?
Fifi: Sepse nuk po të kuptoj, je shumë “deep” shumë i pakuptueshëm je…
View this post on Instagram
Kujtojmë se pas përfundimit të spektaklit të së premtes, dyshja janë shkëputur nga pjesa tjetër e banorëve dhe kanë zgjedhur të qëndrojnë vetëm në dhomën e gjumit.
Këngëtarja shkoi të qëndrojë në krevatin e Granitit, i cili shihej gjysmë i zhveshur, ndërkohë që Fifi u mbështet sipër tij. Ata biseduan rreth ngjarjeve të ndryshme që kanë ndodhur gjatë kësaj javë në shtëpi, por nuk mund të mos vihej re afrimiteti mes tyre.
Vlen për t’u përmendur, se më herët Fifi dhe Graniti u pyetën nga moderatorja Arbana Osmani se si ata e shikonin njëri-tjetrin në vetëm tre ditë qëndrim në shtëpi.
Ata u shprehën se ndiheshin mirë në shoqërinë e njëri-tjetrit, edhe për faktin se janë shqiptarë nga Kosova.
Por ajo që ngacmoi më shumë edhe banorët e tjerë të shtëpisë si dhe publikun, ishte deklarata e Fifit se ajo nuk e shihte Granitin si një shok. Mbetet për t’u parë në vijim se si do të shkojë afrimiteti mes tyre.
