Valbona Ndreu është nëna e cila së bashku me dy vajzat e saj u përplas mëngjesin e djeshëm në Kamëz nga një makinë tip “Benz”. Një ngjarje e rëndë që la të vdekur vajzën e saj 7-vjeçare, ndërsa vajza 6-vjeçare ndodhet në spital në gjendje të rëndë.
Nëna, e cila ndodhet në gjendje të rëndë shëndetësore në spitalin e Traumës, ka marrë vesh sot lajmin e humbjes së vajzës së saj. Pas kësaj ajo kërkon me insistim që të shkojnë në ceremoninë mortore të vajzës, por gjendja e saj paraqitet shqetësuese për mjekët.
Ndërkohë vajza tjetër 6-vjeçare duhet të bëjë një ndërhyrje kirurgjikale për shkak të plagëve të shumta që ka marrë në kokë.
Drejtuesja e mjetit Rozina Koleci, ndaj së cilës tashmë është marrë masa e arrestit, ka treguar se aksidenti tragjik ndodhi pasi ajo ngatërroi frenat me gazin në momentin që po i jepte makinës.
Si pasojë e aksidentit tragjik ndërroi jetë edhe 29-vjeçari Ramazan Ishmi, i cili ishte duke drejtuar një biçikletë.
Burimi: Newsbomb
