Për shkak të pandemisë së koronavirusit, edicioni i 93-të i ceremonies së shpërblimeve prestigjioze “Oscar”, u zhvillua ndryshe këtë vit ku pjesëmarrja ishte shumë e kufizuar.
Por, edhe këtë herë nuk munguan të famshmit të cilët u vunë në qendër të vëmendjes me vejshjet që kishin zgjedhur të shfaqeshin në tapetin e kuq në Union Station.
Ylli i “Hollywood-it” bëri një paraqitje të paharrueshme në tapetin e kuq të “Oscar” 2021.
Zendaya Maree Stoermer Coleman befasoi fansat me fustanin e markës ‘Valentino’, duke u bërë kështu si një nga trendet më të mëdha të mbrëmjes. Pamja e aktores u kompletua me bizhuteritë e markës Bulgari nga koleksioni i ri i markës “Magnifica”. Këto aksesorë kishin një vlerë prej gjashtë milionë dollarësh dhe përfshinin një gjerdan karficë, unazë diamanti 30 karat, një unazë diamanti me prerje smeraldi dhe po ashtu vathë diamanti.
“Është një pamje vërtet joshëse. Na pëlqen të eksperimentojmë me modën dhe të krijojmë pamje për të cilat njerëzit do të flasin”, është shprehur stilisti i Zendaya, Law Roach.
Në këtë ceremoni u shpall për herë të parë fituese e çmimit “Regjisorja më e mirë” një grua me ngjyrë. Chloe Zhao fitoi çmimin për “Nomadland” duke bërë histori.
Ndërkohë, Anthony Hopkins fitoi çmimin “Aktori më i mirë” në “Academy Aëards” për rolin e tij në filimin “The Father”. Aktori 83-vjeçar hyri në histori me fitoren e tij të dytë në “Oscar”, si personazhi më moshuar që merr çmimin për “Aktori më i mirë”.
Ky ishte nominimi i gjashtë i Hopkins për “Oscar”. Ai arriti të fitonte përballë aktorëve të njohur si Riz Ahmed (Sound of Metal), Chadëick Boseman (Ma Rainey’Black Bottom), Gary Oldman (Mank) dhe Steven Yeun (Minari).
Prezantuesi Joaquin Phoneix, që fitoi në kategorinë “Aktori më i mirë” vitin e shkuar për rolin e tij në filmin “Joker”, pranoi çmimin në mungesë të Hopkins. Aktori nuk ishte i pranishëm në ceremoni, sepse aktualisht ai ndodhet në Uells, vendin e tij të lindjes dhe në rrjete sociale ka ndarë disa imazhe nga udhëtimi i tij.
