Vetëm pak kohë më parë reperi Stresi dhe e fejuara e tij, Keisi, u ndanë sërish për arsye që mbetën të pazbuluara për publikun shqiptar.
Teksa Stresi ndjek karrierën e tij në Shqipëri, Keisi vazhdon të jetojë e punojë në Kanada.
Dyshja nuk është takuar prej kohësh dhe s’dihet sa janë gjasat për ribashkim, por lart e poshtë thuhet se reperi i ka dhënë fund njëherë e mirë me Keisin.
Burime për “Gazeta Shqiptare” kanë treguar se Stresi ka nisur një lidhje të re me modelen Atalanta Kërçyku, e cila mban disa kurora miss-i dhe vitin e fundit përfaqësoi vendin tonë në “Miss World”.
Atalanta merr gjithashtu pjesë në “She’s on top” në “Top Channel” dhe është tashmë fytyrë e njohur për publikun shqiptar.
Madje, modelja bjonde ishte e pranishme në ditëlindjen e reperit dhe është parë shumë pranë Stresit gjatë festës.
Miqtë e dyshes kanë konfirmuar se ata e kanë nisur lidhjen vetëm pak kohë më parë dhe tashmë e kanë konfirmuar romancën për rrethin e tyre të ngushtë.
Megjithatë, asnjëri prej tyre nuk ka reaguar për këto lajme ndaj mbetet të presim për të mësuar të vërtetën.
