Prej dy vitesh, këngëtarja e njohur Violeta Kukaj ka kaluar ulje e ngritje të shumta në martesën e saj, ndërsa tashmë ka marrë përfundimisht vendimin për t’u divorcuar nga bashkëshorti, Faiku.
Sipas “prive.al” çështja ka kaluar në gjykatë, ku më datën 11 korrik është mbajtur seanca e parë e divorcit. Mësohet se pritet të mbahet edhe një tjetër seancë po këtë muaj për divorcimin e çiftit, për ndarjen përfundimtare të tyre.
Më herët në një intervistë, bashkëshorti i këngëtares tregoi se ishte dashuruar kokë e këmbë me Violetën kur e kishte parë dhe kishte qenë i bindur se ajo do të bëhej gruaja e tij.
“E kam pa fillimisht në objektin e televizionit të RTP-së, teksa bëhej një xhirim i ansamblit të njohur në atë kohë “Shotë Galica” të Drenasit. Atëherë Violeta ishte më e reja e ansamblit. Ishte një vajzë, fëmijë 12 vjeçare.
Pas shtatë vjetësh me këngën “Eja ti” në festivalin “Akordet e Kosovës, paraqitja e Violetës me një pamje krejt tjetër më befasoi. Natyrisht aty më kaploi një ndjenjë, të cilën nuk e kisha pasur më herët. Ishte kjo ndjenja e dashurisë dhe aty vendosa: O kjo vajzë do jetë e imja për grua, o asnjë tjetër për jetë. Dhe ashtu ndodhi.”- ka rrëfyer ai më herët.
