Aktori i njohur i Hollywood,Morgan Freeman ka kërkuar një falje të dytë pasi tetë veta e akuzuan për ngacmim seksual dhe sjellje të papërshtatshme. Aktori tha se veprimet e tij nuk duhet të barazohen me incidente të sulmit seksual ose abuzimit në vendin e punës.
CNN ishte i pari që raportoi akuzat për sjellje të papërshtatshme dhe ngacmime si pjesë e një hetimi.
Në deklaratën e tij të dytë, Freeman tha: “Rreth 80 vjet e jetës sime janë në rrezik të shkatërrohen, nga raportet e medias të së enjtes.Të gjithë viktimat e sulmeve dhe ngacmimeve meritojnë të dëgjohen dhe ne duhet t’i dëgjojmë, por nuk është e drejtë të barazojmë incidente të tmerrshme të sulmeve seksuale me komplimente të gabuara apo humor.
Unë pranoj që jam dikush që ndien nevojën të përpiqet të bëjë gratë dhe burrat-ndjehen të çmuar dhe të qetë rreth meje. Si pjesë e kësaj, shpesh jam përpjekur të bëja shaka me gratë dhe t’i përgëzoja.
Është e qartë që nuk është përcjellë gjithnjë në mënyrën se si e kam menduar. Prandaj kërkova falje të enjten dhe do të vazhdoj të kërkoj falje për këdo që kam prekur, megjithëse pa dashje.
Por unë gjithashtu dua të jem i qartë: nuk kam krijuar mjedise pune të pasigurta, nuk kam sulmuar gratë, nuk kam ofruar punësim apo avancim në shkëmbim të seksit, çdo sugjerim i bërë është krejtësisht i rremë”- ka deklaruar aktori Freeman.
CNN foli me 16 veta, 8 nga të cilat thanë se ishin viktima të ngacmimit seksual dhe të tjerët e quajtën sjellje të papërshtatshme nga Freeman.
