Gjatë kohës që Katy Perry po performonte në skenë, partneri i saj, Orlando Bloom u tregua mjaft i vëmendshëm dhe vrapoi drejt saj për t’i zbërthyer korsenë që kishte veshur pasi nuk e lejonte që të merrte frymë.
Sipas “The Sun”, 36-vjeçarja pati një incident të vogël gjatë performancës për “Variety Power Women”. Ky moment u fokusua nga kamera e një të pranishmi kur këngëtarja thirri partnerin e saj.
Për performancën e saj, artistja kishte zgjedhur një fustan të gjatë, ngjyrë leljla, i cili kishte brenda dhe një korse.
Në mënyrë që partnerja e tij të merrte frymë lirisht, aktorit iu desh që t’ia zberthente zinxhirin. Pas këtij momenti e gjithë turma nisi të brohoriste.
“Tani mund të marr frymë”, tha Katy e çliruar. Gjatë kohës që Bloom po kthehej në vendin e tij, ajo shtoi: “Heroi im”.
Nga ana tjetër, Orlando postoi në Instagram pamje nga festa e madhe, krahas së cilave shkroi:
“Ishte një privilegj të festoja fuqinë e gruas mbrëmjen e kaluar. Jam shumë krenar me ty dhe me zemrën tënde të madhe që bën kampion çdo person rreth teje”.
Kujtojmë se Orlando dhe këngëtarja mirëpritën vajzën e tyre të parë, Daisy Bloom në mes të vitit 2020. Më herët, ish gruaja e Orlando, Miranda Kerr, ka treguar publikisht se i mbështet ata.
