Princi William, Kate Middleton, Princi Harry dhe Meghan Markle të gjithë morën pjesë në “National Service of Thanksgiving” këtë të Premte por neglizhuan të ulen pranë njëri-tjetrit.
Duka dhe Dukesha e Kembrixhit u ulën në anën e djathtë të Katedrales së Shën Palit pas mbërritjes.
Dyshja zunë të njëjtin vend si Princesha Anne, Princi Charles dhe Camilla Parker Bowles.
Ndërsa Duka dhe Dukesha e Sussex, u ulën me Princeshën Eugenie, Princeshën Beatrice dhe bashkëshortët e tyre përkatës, Jack Brooksbank dhe Edoardo Mapelli Mozzi.
Si duket Harry dhe Meghan nuk kanë ndërmend të ndërveprojnë me William dhe Middleton ndërsa marrin pjesë në festimet e Jubileut Platinum të Mbretëreshës Elizabeth II.
“Për momentin, nuk duket e mundshme që Harry dhe Meghan dhe William dhe Kate të takohen veçmas gjatë festimeve të jubileut”, tha një burim.
Paraqitja e fundit e përbashkët publike e katërshes ishte në Westminster Abbey për Shërbimin e “Commonwealth” në mars të 2020, tre muaj pasi Harry dhe Markle njoftuan planet e tyre për t’u tërhequr nga detyrat e tyre të larta mbretërore.
Ditë më vonë, dyshja u zhvendos në Amerikë. Ata tani banojnë në Montecito, Kaliforni, me djalin Archie, 3, dhe vajzën Lilibet, 11 muajshe, dhe zyrtarisht dhanë dorëheqjen nga rolet e tyre mbretërore në shkurt 2021.
Familja prej katër anëtarësh udhëtoi për në Angli së bashku për herë të parë të martën për të marrë pjesë në nderimin e 70 viteve të shërbimit të mbretëreshës 96-vjeçare.
