Gustavo Rodriguez, babai i Belen, Cecilia dhe Jeremias, mbetet i shtruar në spital me një prognozë të rezervuar, por jeta e tij nuk është në rrezik.
“Forca babi” me këtë mesazh social, Cecilia i drejtohet prindit të saj, i cili mbeti viktimë e zjarrit që ndodhi në një magazinë në Gallarate mëngjesin e së enjtes. I transportuar me ambulancë, Gustavo pësoi djegie në 10% të trupit, në fytyrë dhe krahë, por për fat të mirë nuk u përfshi asnjë organ vital.
Cecilia Rodriguez, e cila duhej të bënte një transmetim të drejtpërdrejtë me fansat në lidhje me artikujt e markës së saj të veshjeve në orët e vona të së enjtes, fillimisht e shtyu eventin për javën e ardhshme, më pas publikoi një postim kushtuar babait të saj Gustavo Rodriguez. Në profilet e Belen dhe Jeremias s’ka asnjë postim. Edhe bashkëshortja e tij Veronica Cozzani nuk ka bërë ende asnjë koment.
Aksidenti i Gustavo Rodriguez ndodhi në Gallarate, në një zonë industriale. Nuk dihet se çfarë ndodhi brenda në magazinë, por punëtorët që punonin aty pranë e panë atë të dilte duke bërtitur. Babai i Belen, Cecilia dhe Jeremias pësoi djegie të shkallës së dytë në fytyrë dhe krahë dhe tani ndodhet në departamentin e djegieve të mëdha të spitalit Niguarda në Milano.
