Mbrëmjen e djeshme u mbaj ceremonia e ndarjes së çmimeve MTV VMA 2018, ku morën pjesë shumë emra të njohur të muzikës botërore.
Të nominuara në disa kategori ishin edhe këngëtaret me origjinë shqiptare, Dua Lipa, Rita Ora dhe Bebe Rexha. Mirëpo ajo që arrti të merrte një çmim ishte Rita Ora, e cila u shpall fituesja e kategorisë “Best Dance”.
Këngëtares shqiptare iu dha ky çmim për bashkëpunimin “Lonely Together”, me DJ tashmë të ndjerë Avicii-n.
Rita Ora shënon kështu shqiptaren e parë e cila ka marrë një çmim në MTV VMA. Ajo u shfaq në këtë ceremoni e veshur me një fustan të zi transparent duke tërhequr vëmendjen e të gjithëve.
Klipi më i mirë i vitit në këtë ceremoni madhështore të muzikës botërore u shpall “Havana”, një bashkëpunim mes Camilla Cabello dhe Young Thung. Camila u shpall gjithashtu edhe si artistja e vitit.
