Në 14 shkurt të këtij viti Baby G dhe Lim Hoti pranuan publikisht lidhjen e tyre.
Në mënyrën më të bukur, ata zbuluan se janë duke përjetuar një histori dashurie e cila kohët e fundit është shoqëruar me shumë dyshime.
Ata publikuan ditën e të dashuruarve një foto në Instagram mbi të cilën shkruanin dedikime të ëmbla.
Pak kohë më parë Baby G fshiu nga Instagram-i të gjitha fotot ku shfaqej pranë Limit dhe u tha se ishin ndarë.
Por me sa duket lajmi nuk ishte i vërtetë dhe në ditëlindjen e saj Baby G mori një urim të ngrohtë nga i dashuri i saj.
Megjithatë marrëdhënia e tyre po vihet sërish në pikëpyetje, pasi së fundmi ‘Iconstyle.al’ ka zbuluar një video të Limit në krahët e një vajze tjetër.
Ata shfaqen mjaft të afërt teksa ai e puth në qafë në një club dhe në sfond dëgjohet kënga e Stresit.
Mbi video vajza shkruan: “Vogëlushi im është këtu”.
Nuk dihet ende se çfarë marrëdhënie ka mes tyre, megjithatë Baby G dhe Lim Hoti nuk ndiqen më as në rrjetet sociale.
Kujtojmë se pak kohë më parë ata hodhën në treg projektin e përbashkët muzikor që mban titullin “Pretty Gangster”.
