Nga Lisbona, ku ndodhet për të përfaqësuar Qipron në “Eurovision, këngëtarja Eleni Foureira është shprehur krenare se vjen nga Shqipëria.
Në një intervistë për ‘Wiwiblogs’ , Eleni rrëfen se braktisi Shqipërinë gjatë luftës civile në vitin 1997.
“Ishte shumë e vështirë të lije Shqipërinë dhe të shkoje në një shtet të ri ku nuk njeh asnjë dhe je 7 vjeçe. E do të nisësh jetën nga fillimi. Ishte e vështirë, por edhe shumë e bukur. Çfarë ndodhi në jetën time, më bënë mua kjo që jam sot” u shpreh Eleni.
Më herët, këngëtarja u akuzua nga fansat shqiptarë se githmonë ka fshehur faktin se ka lindur në Fier dhe është shqiptare. Por mesa duket, Eleni nuk e ka më problem të pranojë faktin se në gjakun e saj rrjedh gjak shqiptari.
“Jam shumë krenare që jam shqiptare dhe jam shumë krenare që u rrita në Greqi” tha këngëtarja për Wiwiblog.
