Taylor Swift ka dhënë për herë të parë një intervistë, pasi është shpallur “Njeriu i Vitit”. Ajo ka folur edhe për sherrin me Kanye West dhe Kim Kardashian.
Çfarë ndodhi mes tyre para katër vitesh?
Kanye publikoi një këngë të titulluar “Famous” dhe në disa vargje është shprehur: “E bëra atë k*rvë të famshme/ Mendoj Taylor Swift mund të më ketë borxh (marrëdhënie seksuale)”.
Për sherrin me Kanye dhe Kim, Taylor tha: “Ajo modifikoi.”
Taylor nuk i pëlqeu fakti që Kanye iu drejtua si k*rvë. Pas shumë reagimeve nga fansat, Kim ka publikuar një mesazh zanor (sipas shumë zërave i modifikuar), ku Taylor ishte në dijeni të vargjeve në këngën e Kanye dhe madje sikur ishin dakordësuar.
Në mesazhin e regjistruar nga një telefonatë mes Taylor dhe Kanye (e supozuar), këngëtarja e pyet reperin nëse teksti është pak vulgar dhe Kanye i përgjigjet jo dhe më pas i tregon vargjet: “Mendoj se Taylor Swift mund të më ketë borxh (marrëdhënie seksuale)”.
Në mesazh dëgjohet Taylor që qesh dhe thotë: “S’është e pasjellshme”.
Atë periudhë, njerëzit komentuan shumë në rrjetet sociale të Taylor me emoji me gjarpër, duke e quajtur mashtruese. Taylor e rikujton atë moment duke thënë që i dëmtoi punën.
Kim, nga ana tjetër tha se “ishte e detyruar të mbronte Kanye-n”.
Në një intervistë në vitin 2020, Kim u shpreh: “Askush nuk e mohoi që fjala “k*rvë” u përdor pa lejen e saj…unë s’e modifikova kurrë mesazhin, thjesht publikova disa momente në Snapchat që të provoja argumentin tim.
Në intervistën për Time, Taylor u shpreh:
“Ishte një telefonatë e regjistruar në mënyrë të jashtëligjshme, të cilën Kim e modifikoi dhe e postoi që të gjithë të më quanin “gënjeshtare”. Karriera më ishte marrë nga duart. Mendova se ai moment i reagimeve do të më përcaktonte në mënyrë negative për të gjithë jetën”.
Taylor tha se dëmi i shkaktoi një ndikim të madh psikologjik: “Më çoi në një vend që s’kam qenë më parë. U zhvendosa në një vend të huaj. Nuk dola nga shtëpia me qira për një vit. Kisha frikë nga telefonatat. Largova shumë njerëz nga jeta ime, sepse nuk dija kujt t’i besoja”.
Vite më vonë, Taylor ndihet më e përmbushur se kurrë, pas suksesit në turneun Eras, ajo është në një lidhje romantike me Travis Kelce. “Kjo është periudha më krenare dhe më e lumtur. Ndihem kreative, e përmbushur dhe më e lirë se ndonjëherë më parë”, tha ajo.
