“Big Brother Vip Albania” po servir çdo gjë që në ditët e para. Nuk kanë munguar që nga sherret, ofendimet, pëlqimet apo bisedat e ndryshme midis banorëve.
Së fundmi Kejvina, Luizi, Tea dhe Genti kanë qenë duke qëndruar në shoqërinë e njëri-tjetrit ku si “shqiptarë” që janë kanë hapur muhabetin e pagave.
Sa paguhet njëri dhe sa paguhet tjetri. Pa u vendosur fare në siklet, Kejvina Kthella ka treguar shifrat e larta që paguhet si modele në Shqipëri dhe në Itali.
“Minimumi 6000-7000 euro në muaj. Marr disa kontrata”, është shprehur ajo.
Në këtë bisedë diçka tregoi edhe Tea Trifoni, por pa përmendur shifra.
Tea foli për projektet që ka fituar pasi u bë e njohur falë pjesëmarrjes në programin e dashurisë “Për’puthen”.
Ajo ka treguar edhe për eksperiencën si moderatore në “Goca dhe Gra”, ndërsa shprehet se “i ka ecur mirë”.
View this post on Instagram
Më herët kujtojmë që Kejvina u përplas me Efin gjatë “Prime-it” të mbrëmshëm.
“Më vjen turp që jam këtu me një vajzë si Kejvina dhe një djalë si Luizi. Janë disa etiketime shumë të shpifura që ka bërë zoti Luiz, që qeshin disa këtu”, tha në fillim Efi.
Menjëherë, ish-konkurrentja e Përputhen u ndërpre nga modelja Kejvina Kthella. Kjo e fundit tha se Efi i tha se ‘i ka thënë psikopate’, por që i ka kërkuar ndjesë.
“Më tha se jam zero, të njeh e gjithë Shqipëria se si je. Unë nuk e toleroj më. Nuk mund të luaj dikush me mua. Nuk ka më tolerime. Unë nuk e toleroj më , dhe nuk e di se ç’do bëj më nëse kjo femër më drejtohet kështu”, përfundoi Efi.
