Moderatorja Albana Osmani ka folur për herë të parë për takimin e saj me kryeministrin Edi Rama.
Përveç moderimit të “Fan Club”, është gjithashtu iniciatore e fushatës së saj “Ti je një luledielli”, ku nëpërmjet bluzave që shiti bëri të mundur mbledhjen e një fondi për të ndihmuar fëmijët e prekur nga sëmundjet e gjakut.
Para pak ditësh Albana dha një intervistë për Telegrafi.com ku ka folur rreth gjithë lodhjes dhe kënaqësisë që ka marrë nga kjo fushatë sensibilizuese.
Ajo ka rrëfyer me detaje gjithashtu takimin me kryeministrin Edi Rama (Kliko Këtu), i cili gjithashtu u bë pjesë e fushatës duke e mbështetur kauzën e saj.
“Kryeministri që unë pëlqej dhe kam për zemër pasi është artist dhe tejet karizmatik më ka pritur në zyrë si të isha princesha Diana, me shumë respekt dhe dashuri. Nuk isha Diana, por Albana, njësoj në përshëndetjen e tij të përzemërt. Në sytë e tij kjo që po ndodhte me këtë fushatë ishte shumë e vyer. Në çdo vend të botës njerëz të njohur dhe me influencë në mënyrë të vazhdueshme realizojnë iniciativa te tilla. Ndaj kjo e jona mori përshëndetjen më optimale nga kryeministri. Sigurisht, realizuam edhe foto dhe do ta ruaj kujtim si një nga momentet e veçanta për mua. Librin i tij me grafikat dhe artin e tij dhe me dedikimin aq special e kam shfletuar disa herë dhe do e ruaj në bibliotekën time me shumë vlerësim”, – ka treguar Albana
