Ajo është bërë e njohur nga të gjithë me emisionin e saj “1 kafe prej shpisë”. Bëhet fjalë për moderatoren simpatike Blerona Zeqiri, e cila dje festoi ditëlindjen e saj të 23-të.
Miqtë, kolegët dhe familjarët e surprizuan moderatoren seksi me një festë surprizë dhe me dhurata të shumta, të cilat ajo nxitoi t’i ndante edhe me miqtë e saj në Instagram.
Në një foto të postuar në Instastory na ka treguar se ndër dhuratat e shumta që mori ishte edhe një unazë me gurë “Swarovski”, e cila ngjan si një unazë fejese.
Pikërisht kjo dhuratë speciale futi në dyshime ndjekësit dhe admiruesit e saj, të cilët kanë filluar të aludojnë se moderatorja e njohur së shpejti do të martohet.
Nuk e dimë nëse kjo është e vërtetë dhe nëse së shpejti do ta shohim të veshur me fustan të bardhë Bleronën, por mund të themi me siguri që kjo është një ndër dhuratat më të bukura që çdo femër do ta dëshironte.
