Një tjetër emision i shtohet televizionit Klan prej ditës së sotme. I quajtur “Check in”, programi do të jetë një dokumentar udhëtimesh i realizuar nga Dorjana Daka dhe Albana Nanaj.
Ideja interesante është e tillë, që gazetarja dhe ekspertja e turizmit do të udhëtojnë në vende të ndryshme të botës, për të ndarë më pas eksperiencat e tyre me publikun shqiptar.
Por e kujt ishte ideja?
Moderatorja e njohur, Einxhel Shkira, akuzoi publikisht autorët e emisionit se i kanë vjedhur idenë. Përmes “Instastory”-t, Shkira dhe mikja e saj Anna bënë me dije se e kishin menduar këtë emision prej dy vitesh.
“Dikush na paska vjedhur projektin në detaj! Sa të shkathët ca njerëz”, shkruan Einxhel. Ndërsa Anna i përgjigjet: “Epo të kam thënë o Einxhel, mos fol. Na dy vite punë, dhuratë miletit!”.
