Moderatori i njohur i “Pop Culture”, Kelvi Kadilli ka pritur ditëlindjen mbrëmë në mesnatë nën shoqërinë e miqve të tij më të mirë.
I veshur me një kostum të kuq sportiv, Kelvi, i cili spikat gjithnjë për paraqitjen e tij të veçantë në ekran, ka zgjedhur të ndajë me ndjekësit disa momente të veçanta nga nata e ditëlindjes.
Më e veçantë ishte surpriza që i përgatitën miqtë, një tortë me një njeri që bën çiçin në dush. Kelvi është i njohur për pyetjen që u bën të ftuarve të tij: “A e bën çiçin në dush?” dhe kjo me sa duket ka qenë edhe ideja e tortës.
Sado e çuditshme ju duket kjo pyetje, disa nga personazhet më të njohur të ekranit i janë përgjigjur me “po” dhe mes tyre janë edhe fashionista Lori Hoxha dhe moderatori Ledion Liço.
