Moderatori i njohur i “E Diell” Ervin Kurti do të rrijë një beqar i përjetshëm!
Kështu është shprehur vetë ai në edicionin e kësaj të diele në “E diell”, në temën për martesën, për të cilën tha se është kundër.
Ervini u shpreh se nuk dëshiron kufizime dhe shpreson të gjejë një partner që të mendojë po njësoj si ai.
Moderatori e argumentoi vendimin e tij më dëshirën që të jetë një person i lirë dhe të mos i japë “llogari” askujt për veprimet që bën.
“Kur të vijë dita, nëse do të vijë ndonjëherë që unë të jem dhëndri, do të jetë dita më e trishtuar e jetës simë. Nuk ka shanse që unë të martohem, nuk më pëlqen që unë të martohem. Riti martesor nuk më pëlqen, unë do të jem një beqar i përjetshëm në një lidhje. Por që dua të jem i lirë të shkoj, të bëj çfarë të dua”, u shpreh ai.
Ai ka shpresë se do ta gjejë një person që të mendojë njësoj, duke qenë se jetojmë në 2020-n, por edhe nëse nuk do ta gjejë brenda Shqipërisë, do ta gjejë jashtë saj.
