Ai “fshihet” pas mikrofonit ndërsa prezanton emisionin e mëngjesit “Aldo Morning Show”, por zëri i tij është ndër më të njohurit.
Megjithëse moderon emisionin e tij, Aldon Lipe ka preferuar të mos e tregojë fytyrën dhe rrallëherë ka dalë publikisht ose ka ndarë me të tjerët detaje për jetën e tij private.
Rreth dy vite më parë moderatori u bë baba për herë të dytë, pasi erdhi në jetë vogëlushja e pagëzuar me emrin Charlot.
Ndërsa Lipe ka postuar në profilin e tij në Instagram tek-tuk ndonjë foto, ku nuk tregon imazhin e të bijës, mbrëmë për herë të parë bëri një përjashtim.
Ai prezantoi ndjekësit e tij me imazhin e vajzës rreth 17-muajshe, e cila në foto shikon nënën e saj Ketiona Jubanin.
“Momente parajse në Tokë”, shkruhet në mbishkrimin e fotos së publikuar nga Aldon Lipe.
Charlot duket se sapo ka përfunduar dushin, ndërsa ne dallojmë një ngjashmëri mes tipareve të saj dhe të nënës së saj.
Aldon dhe Ketiona kanë dhe një djalë 15 vjeç, të quajtur Marti, ndërsa vogëlushja erdhi në jetë në nëntor të 2017-s.
