Pavarësisht se është shfaqur si imazh në disa prej revistave më prestigjioze, si “Elle”, “Paper”, “L’Ociel” etj, modelja është përballur me një “çudi” shqiptare. Arselajda Buraku, e cila në fillim të karrierës së saj u pjesë e agjencisë së modelingut “ICON Agency”, zgjodhi që ta vazhdonte jashtë kufijve shqiptarë pasionin për modelingun, pikërisht në Shtetet e Bashkuara të Amerikës.
Ndonëse numëron disa kontrata me kompani prestigjioze, pjesë e sfilatave të Javës së Modës, këto duket se nuk mjaftuan për një revistë shqiptare që ajo ta meritonte të shfaqej në kopertinë. E ftuar në “Thumb” Arselajda ka treguar një episod shumë të pahijshëm, sipas së cilës stafi i një reviste shqiptare, i ka kërkuar asaj që të paguante për të qenë në kopertinë.
“Një nga revistat shqiptare më ka kërkuar që të paguajë lekë që të jem në kopertinën e tyre dhe kjo më është dukur e turpshme. Unë jam një modele e suksesshme në Amerikë”, u shpreh ajo.
Gjithashtu Arselajda u ka dhënë një përgjigje të gjithëve atyre që mendojnë se modelingu është një treg i mirë për eskortat.
“Unë gjithmonë e kam kosideruar modelingun si pjesë të artit. Njerëzit kanë kohë të flasin, të aludojnë, dhe kanë lirinë për ta thënë, por nuk është aspak e vërtetë”, u shpreh ajo.
