Ofrimi i parave në këmbim të favoreve seksuale, tashmë është një gjë e njohur në rrethin e modeleve shqiptare. Kërkesave të tilla nuk u shpëton asnjëra.
Kështu është shprehur edhe modelja shqiptare që tashmë jeton në SHBA, Adrola Dushi, e cila ka folur për emisionin “Thumb”, ndërsa është pyetur nëse i është kërkuar një natë seks në këmbim të suksesit apo parave.
“Kjo u ndodh të gjithave!”, tregon Adrola. “Nuk është vetëm për mua. Kjo u ndodh të gjitha vajzave, sidomos në Instagram”. Më pas, ajo shton: “Gjithmonë habitem, pse duhet ta ofrojnë këtë gjë sepse sot jam e sigurt që çdokush mund të ketë në krah femra apo meshkuj. Askush nuk ka mbetur pa gjë!”.
bukuroshja u pyet nëse është më mirë në Shqipëri apo në Amerikë dhe Adrola përgjigjet:
“Shqipërinë e dua shumë sepse këtu kam shumë dashuri, kam edhe vëmendjen, por seriozisht, kur po jetoja këtu kalova në fazë depresioni sepse këtu dëgjon vetëm fjalë negative”.
Por, për sa i përket ushqimeve, modelja tregon se më të mirat mbetet ato tradicionale.
