Është një emër i njohur në Shqipëri, por së shpejti do të jetë një emër i përfolur në ekranin italian. Në televizionin e njohur italian “Spike”, nga data 24 nëntor do të nisë dokumentari dhe “reality show” i quajtur “Le Capitane” dhe pjesë e tij do të jetë një shqiptare.
Bëhet fjalë për Erjona Sulejmanin, bashkëshorten e mesfushorit Blerim Dzemaili. Gjatë Europianit “France 2016” ajo tërhoqi vëmendjen e të gjithë fansave në tribuna dhe u zgjodh si fansja më seksi e “Euro 2016”.
Femrat e tjera që do të marrin pjesë në këtë spektakël do të jenë: Jessica Melene, nëna e dy fëmijëve dhe bashkëshortja e sulmuesit të Lazio-s, Ciro Immobile: Emilie Nef Naf, e fejuara e Bruno Cerella: Michela Persico, gazetare sportive dhe e fejuara e mbrojtësit të Juventus-it, Daniele Rugani; Silvia Slitti, organizatore eventesh dhe bashkëshortja e sulmuesit të Veronës, Giampaolo Pazzini.
Janë këto 5 protagonistet kryesore, por ky “formacion” përfshin edhe femra të tjera si: Aida Yespica, Cristina Buçino, Debora Salvalaggio, Cristina Cannavaro, Giulia Calcaterra, Sarah Castellana, Francesca Brienza, Michela Quattroçioçhe.
Por çfarë është “Le Capitane”?
Është një dokumentar dhe “reality-show”, që tregon jetën, pasionet, ëndrrat dhe aventurat e grave të sportistëve të famshëm, futbollistëve të njohur dhe basketbollistëve të njohur.
Erjona është e njohur si modele dhe ka arritur të ruajë linjat, edhe pas lindjes. Çifti ka një djalë të quajtur Luan.
