Ikona e stilit, Alexa Chung, po i vendos vitet e saj të modelingut për të shitur një koleksion kapsulë, të cilën e zbuloi gjatë një interviste për “Business of Fashion” se po krijonte markën e saj të modës.
Modelja do të krijojë një markë të quajtur, Alexachung, e cila do të prezantohet majin e vitit të kaluar. “Unë ndihem sikur jam e përgatitur për ta bërë atë tani. Nëse do të ndodhte më herët se tani, unë nuk do të isha mjaftueshëm e përgjegjshme”, tha Chung.
Marka do të shesë xhinse, veshje të përditshme, veshjet e mbrëmjes, këpucë dhe bizhuteri dhe do të dizajnohet nga Chung dhe një skuadër prej gjashtë dizajnuesish. Matchesfashion.com, MyTheresa dhe SSENSE janë në mes të dyqaneve online që do të mbështesin markën, duke ndjekur hapjen zyrtare vitin e kaluar.
Chung ka dizajnuar së fundmi një koleksion kapsulë për “AG Jeans” dhe “Marcs and Spencer”, ndërsa u shpreh se çmimet e saj do të jenë në mënyrë të ngjashme. “Unë dua të sigurohem që ne po ofrojmë diçka që është emocionuese dhe unike dhe e re, por gjithashtu e rëndësishmja e kësaj marke është se ajo lidhet më të gjithë. Unë nuk po bëj diçka që ka çmime të larta të çmendura. Dua të sigurohem që është diçka që flitet nga të gjithë në rrugë”, u shpreh Chung.
Burimi: Harper’s Bazaar
