Ajo është ndër modelet e reja më të dashura në mesin e botës së modës dhe të “showbiz”-it.
Kështu që Bella Hadid u sigurua që të tregonte këtë titull pasi u shfaq në tapetin e kuq duke iu bashkuar kolegeve të saj supermodele në premierën e filmit “Unknown Girl” në Festivalin e Filmit të Kanës, mbrëmjes e të mërkurës.
19-vjeçarja “vodhi” shfaqjen me një fustan mëndafshi të kuqe pikante nga Alexandre Vauthier, që tregonte çdo pjesë të linjave të saj fenomenale, duke treguar pa asnjë “turp” zgjedhjen e saj për të mos mbajtur të brendshme gjatë shfaqjes në festë.
Modelja realizoi një shfaqje perfekte, ndërsa tregonte këmbët e saj të gjata dhe trupin e saj, por duke u kujdesur për mos të shfaqur për asnjë çast më shumë seç duhej.
Një tjetër supermodele që zgjodhi të njëjtën ngjyrë si Bella ishte bukuroshja britanike, Rosie Huntingdon-Whiteley. Por të një modele të ndryshëm, me tyl dhe fruda. Pavarësisht se tregohej më e rezervuar se modelja e re, fustani i Rosie ishte në fakt i krijuar nga dizajnuesi francez haute couture, Alexandre Vauthier.
Rosie ishte në shoqëri të mirë me bukuroshen britanike, Jourdan Dunn, e cila fitoi kollaj çmimin për fustanin më të madh në tapetin e kuq të dizajnuar nga Ralph & Russo. Nëna e një fëmijë kishte nevojën e një asistenti për ta ndihmuar që ta mbante, edhe për shkak të peshës.
Bukuroshja ruse Irina Shayk shkëlqente në një fustan të zi me gurë të dizajnuar nga Miu Miu. Fustani përfshinte një “rrjetë merimange” në pjesën e kurrizit të realizuar me gurë deri në fund të këmbëve.
Duke ndjekur Bella-n, supermodelja braziliane Alessandra Ambrosio u shfaq gjithashtu me një fustan të guximshëm, pa të brendshme. Duke treguar të gjithë pjesën anësore të trupit të saj, 35-vjeçarja tregoi shumë vetëbesim në fustanin që shkëlqente i gjithi nga diamantet.
Duke përfaqësuar vitet ’90, supermodelet Eva Herzigova dhe Laetitia Casta, zgjodhën të dyja diçka sensuale. 43-vjeçarja çeke Eva, nënë e tre fëmijëve, u inspirua nga vitet ’50 me Marilyn Monroe, me fustanin e bardhë nga Dior dhe flokët bionde me onde.
Ndërsa francezja 38-vjeçare Laetitia tregoi lëkurën në një fustan të dukshëm të zi, të ndarë në disa pjesë. Fustani i saj ishte nga koleksioni Pranverë/Verë 2016 nga Atelier Versace dhe e tregonte trupin e saj në perfeksion.
Burimi: Daily Mail
