Kur nuk është duke sfiluar në pasarelë për dizajnuesit më të njohur apo në koverat e revistave më të dashura të modës, ajo është duke medituar, gatuar dhe shijuar kohën me djalin e saj.
E kemi fjalën për supermodelen Jourdan Dunn, e cila nuk mungon në asnjë nga sfilatat e shtëpive të modës. Në një intervistë për markën “Swarovski”, ajo ka treguar disa nga prapaskenat e jetës së saj.
Duket se ke një balancë shumë të mirë mes punës dhe jetës së shëndetshme. Si ia del?
Duhet të gjesh kohë për gjërat që janë më të rëndësishme. Më pëlqen të gatuaj dhe kjo nënkupton që jam e kujdesshme për atë që ha, sepse marr kohë që ta përgatis. Konsumoja shumë mish, ndalova menjëherë.
Trupi juaj është legjendar. Cila është rutina juaj e palestrës?
Lidhur me stërvitjen, lidhet gjithçka me boksin. Është një stërvitje për mendjen dhe trupin. Vëllai im është një instruktor personal dhe më shtyn kur jemi bashkë në palestër.
Nuk je e panjohur për ngritjen e zërit për kauza të mëdha. Cilat janë disa prej tyre prej të cilave ndihesh e pasionuar?
Jam e fokusuar duke punuar për një organizatë jofitimprurëse, që është jashtëzakonisht e përkushtuar në kërkimet dhe financimin për personat që vuajnë nga sëmundjet e gjakut. Është puna ime më e rëndësishme, veç asaj të qenit nënë.
Kur flitet për bizhuteritë, cilat preferon të mbash?
Bizhuteritë varen në bazë të veshjes. Nëse paraqitja është e thjeshtë mund të shtosh bizhuteri për të bërë një ndryshim dhe të ndriçosh “look”-un. Nëse paraqitja është e guximshme mund të mbash disa bizhuteri minimaliste, delikate, për një prekje shumë “chic”.
Çfarë përfaqëson “Swarovski” për ju?
Nëna më bleu një byzylyk të hijshëm “Swarovski” si një dhuratë largimi, kur u zhvendosa nga Londra për në Nju-Jork në moshën 17-vjeçare. Isha shumë e frikësuar që po ikja nga shtëpia dhe do të isha e vetme në Nju-Jork. Por byzylyku magjepsës ishte një kujtesë e shtëpisë sime që më jepte një ndjesi fuqie dhe pavarësie.
Je një modele kaq pozitive. Si e përdor platformën për të informuar dhe frymëzuar vajzat që kërkojnë të lidhen me ju?
Për mua, gjithçka lidhet me të qenin e vërtetë me vetveten. Mendoj se njerëzit harrojnë që jam njeri dhe do të kem të meta, do të bëj gabime… dhe kjo është në rregull. Shpresoj që vajzat e reja ta shohin këtë dhe t’i frymëzojë ato të jenë askush tjetër veç vetvetes.
Bizhuteritë që mban veshur supermodelja mund t’i gjeni në dy dyqanet e “Swarovski” në Tiranë, në Qendrën Metropol, rr. “Sami Frashëri” dhe në TEG.
Burimi: Swarovski/Iconstyle.al
