E premtja ishte një ditë mjaft emocionuese për 23 vajza shqiptare të cilat konkurruan në Zyrih për të fituar kurorën “Miss Shqiptarja në Botë”.
Shqiptarja më e bukur në botë u shpall Medina Hajraj, shqiptare nga Kosova por që jeton në Suedi. Shoqëruesja e parë u zgjodh Ornela Nikolli ndërsa e dyta, Kosovare Halili, të dyja nga Shqipëria.
Pjesë e këtij konkursi ishte edhe modelja e “ICON agency”, Doriana Ahmataj e cila fitoi kurorën e “Miss Inteligjenca”, duke u renditur ndër top 7 vajzat më të bukura. Ajo arriti të spikasë jo vetëm për bukurinë e saj por edhe për modelin që përcjell.
“Një natë plot emocion!…Falënderoj jurinë për çmimin “Miss Inteligjenca” dhe për përzgjedhjen në top 7 bukuroshet shqiptare në botë…Gjithashtu për këtë organizim te guximshëm përshëndes producentin Ilir Geci dhe te gjithë bashkëpunëtorët e tjerë që na shoqëruan në një javë të lodhshme, por të paharrueshme!”, shkruan Doriana.
Ky event u organizua sivjet për herë të parë nga shtëpia e modës “Gecaj fashion grup“ bashkë me diskotekën më të madhe shqiptare, “Rinora 4” në Zvicër.
Bukuria e vajzave shqiptare nuk u ka shpëtuar pa u vënë re as nga mediat zvicerane. Gazeta “Luzernerzeitung” ka takuar vajzat në majën e Alpeve Pilatus në afërsi të Lucernit të Zvicrës teksa ato ishin duke bërë fotosesione të ndryshme nga fotografi i njohur në Prishtinë, Avni Selmani.
“Pilatusi ka mirëpritur kandidatet për “Miss shqiptarja. Foto janë xhiruar në Pilatuskulm”, shkruan gazeta zvicerane e cila bën një xhirim rreth një minutë me vajzat dhe producentin e këtij spektakli, Ilir Gecin.
*Shfleto galerinë
